合邏輯嗎﹖
今天公司的 HP 彩色 Laserjet 又再次要換炭粉，三支彩色炭粉同時用完需要更換。炭粉只用了大約四個月，三支炭粉一次過更換，每支五六百元，實在昂貴。 |
其實公司已經把印表機較至「灰階」列印，而且只有不夠十部電腦使用。公司的同事還多數只列印文件，與及簡單的 pdf 檔案，但彩色的炭粉依然用完。
HP customer service 多次的回覆為，因為即使使用了「灰階」，灰色的部份還是會用有三支彩色炭粉溝出來，因此彩色炭粉仍然會有使用。
這裡突然帶出了幾個疑問︰
如果 cs 所言屬實，HP 的設計是否有問題呢﹖就是因為我不想使用彩色炭粉，我才將列印設定成「灰階」。若列印黑白文件還要使用彩色炭粉，我 set 做「灰階」就「真係把撚」﹗
若果使用「灰階」，彩色三支炭粉用完的速度會較列印彩色文件為慢，這個又是甚麼 concept﹖既然一部黑白的鐳射打印機單只有一支黑色炭粉都已經可以列印，那麼為何彩色打印機列印黑白文件時又不可以這樣做﹖是否有點荒天下之大謬﹖
假設由此至終只是我們不懂怎樣設定，才令到彩色炭粉依然繼續消耗。那麼，HP 是否應該教導一下 cs 的職員﹖因為他們根本沒有解決到客戶的問題。
對，錢是老細付的，既然他都同意付錢更換炭粉，我也不必為此操心。不過，只是覺得有點被耍的感覺，已經與「錢唔錢」沒有關係。
posted by 小碧 @ 00:58
15 Comments:
d老細可能錢多得濟無訂洗，咪拎去買粉囉
總之你定時同佢地講﹕「喂，你無粉用呀!」
咁就okay。
我就覺得唔make sense 囉，如果唔係設定問題，就即係design fault 喇。試諗下，一間大既software house 如microsoft 同adobe等等既公司，會唔會用錢，用時間同人手去develope 一個可有可冇既function？
波哥，呢個唔係錢既問題呀…
o的炭粉係老細買既，甚至佢想買過第部機都好，錢都係公司俾，關我春事咩…
個問題係 cs 既答覆，令我覺得佢當o的客係白痴，如果唔係當o的客係白痴，就係 cs 無能。
再者，如果你有份話事幫公司去買呢部機返黎﹐點知唔夠幾個月就要買粉，o的粉既價錢差唔多可以買部新機，even 老細多錢唔 mind，都會有個感覺搞到好似你唔夠眼光，幫公司買錯左o野。就算佢唔係咁諗，你都會覺得自己戇鳩左﹗
我而家先知hp o的彩色printer 竟然要用埋彩色o個邊o黎print 灰階...
不過，你又不能怪晒cs o既，佢o地都係照稿讀，上頭俾佢份notes 係點，佢咪點答囉。你估如果可以的話，佢o地唔想部printer 可以唔駛用彩色o個邊o黎print 灰階咩... 佢o地應該唔止俾你一個打過去插o架...
我覺得除o左係bryan 講o既design fault 之外，仲可能係hp 特登design 到咁，連你炭粉$$ 都食埋~~
咁不如買多部只黑白?laserjet printer 仲好啦!! 分開?用無咁嬲!!^^
同意祖的講法，而家一部printer 唔會賺你好多$。反而果d consumable 就會殺你一頸血。
同你下面個topic一樣, 屈機組合
「灰階」不愧為「灰階」﹐印到個user都灰埋!
我屋企部HP噴墨式打印機的彩色墨同樣消耗得極快。高?期試過八日換三次。
佢地咁答呢個"灰階"問題,我個人覺得佢地真係好"灰諧",佢地心諗:{今?仲唔用到你心"灰",x"階"!}
曼網足球隊8號kenny,
據可靠的消息話，而家部份hp printer ink cartridge 的容量只得 10ml左右，所以你個情況一d 都唔奇。
zero，呢個係「屈錢組合」。
kenny，我屋企果部 hp 又唔會喎，
黑色永遠係用得快o的，所以先唔明灰階係會咁樣溝出黎。
小碧，kenny，hondo：
我屋企o個部hp cartridge 係18ml...
黑色o既消耗量簡直係驚人...
平均一個月就要換一次...
至於彩色... 次次都係用到剩返紅色...
而家有o的後悔o個時貪平...
冇揀到部獨立彩色墨水printer...
我買代用墨都係好快，最後買果盒話有18ml
不過個老細話我列印A4 SIZE的彩色影像，真係會十零張就無墨。
Epson d 噴墨打印機都係啦...佢d ink有 晶片係度,預測你剩番幾多墨。我重來print notes都係print 黑色,但係佢都一路扣我color ink o個d墨,當佢顯示話我用晒盒墨,唔比我再print,我爆開盒墨,發覺用左4分1都無...
發佈留言
<< Home