屈機組合︰碧咸 + 雲佬
因為西甲比賽的時間實在太夜，所以一向甚少收看。昨晚皇家馬德里的比賽由於在深夜一時展開還可以接受，加上有兩名前曼聯隊友故劍重逢，便觀看了本季首場皇馬的賽事。
 |
| 碧咸 (左) 與雲佬 (中) 重溫美夢。(圖片︰RealMadrid.com) |
碧咸與雲佬 (雲尼斯杜萊) 的組合實在十分「屈機」，前者兩個助攻，後者大演帽子戲法。加上有卡比路執教與及穩固的防守，今季有望重奪失落多年的西甲錦標。
至於曼聯，今季球員比起上屆顯得更有默契，插花王 (C.朗拿度) 多了一點傳球令球隊攻勢更有效率。雖然對熱刺一仗表現一般，不過後防表現尚可。由於劉偉力捧的孖潤腸施維斯達沒有正選上陣，加上黑人側田 (艾華) 水準比起上屆大有進步，四人防線更為穩健，最終還可守住三分擊敗對手。當然現在要談重奪英超錦標還是遙遠的事，但近來數仗的表現起碼讓球迷們有著憧憬和盼望。
但是回想起阿 Mill 偶像沙夏連續兩場在重要關頭錯失單刀黃金機會，就只怪碧咸與雲佬都與費 Sir 不和。
posted by 小碧 @ 16:50
5 Comments:
大家或者會大惑不解，為甚麼曼頭會與沙夏拉上關係﹖可能是因為小碧喝醉了，還醉在糊裡糊塗中。
醉乜鬼丫，佢根本就係有精神病，明明佢自己愛上S27，佢又話我力捧。如果各位識得有咩好醫生，介紹佢睇喇！
mill 同劉偉已經追捧左沙夏同施維斯達好多年架啦。當沙夏仲係富咸時，mill 已經入過富咸個場﹗至於劉偉，年頭話施維斯達可能返法國，佢不知幾咁失落﹗
因為雲雲入左3球太開心所以?唔著，直至零晨6點先去睡。ohohoh~
好彩主席冇將我拉埋去o個兩個法國佬度姐。XD
btw，manutd o個晚場波，德能講o左句好到肉o既o野：「點樣處理一個單刀波，往往就睇得出一個前鋒係咩級數。」
好明顯，條友o既級數係一cup，因為佢腳腳波都真係cup 完一o下就失。
發佈留言
<< Home