歡樂滿東華
一些不認識我和劉偉的朋友未必懂得甚麼叫做「歡樂滿東華」。這個詞語其實源自劉偉。還記得每年歡樂滿東華有甚麼籌款環節是必需的嗎﹖就是十多廿人同時擠入一部 Mini 仔、又可能是一個玻璃箱，都可以是一個細小的平台，總之就玩人多。然後就「老屈」一些總理，車子裡面每多一個人便捐五萬元。因此，認識我們的人都知道「歡樂滿東華」解作人多、擠迫等意思，簡稱「東華」。
這是昨天我和師弟仔的對話︰
師弟︰點解唔係星光煜煜耀保良﹖
小碧︰你見過保良有咁既環節咩﹖
師弟︰可能我冇留意吧﹗咁可唔可以塞入「C 眼」﹖
小碧︰我諗人就應該塞唔到入「股」，你鐘意可以塞車厘子既。
師弟︰乒乓波﹖
小碧︰你唔好話西瓜﹖
師弟︰咁要榴槤啦。
小碧︰o下﹖淨係夠塞到一個咋喎﹗
師弟︰咁咪老屈o的總理，塞一個捐一千萬囉。冬瓜五百萬，榴槤一千萬。
小碧︰..................﹗
看完之後，大家可能覺得我們說話很核突。是的，斯文人聚首一堂便是這樣。
posted by 小碧 @ 15:46
7 Comments:
果然係斯文黨 ~
唔核突~~ 識o左你咁耐~~ 都知你好斯文o架喇~~
兼且... 我都係斯文人~~ XDDDD
你唔講都唔知原來係出自我添，不過的而且確東華最令人記得o既就係果o的唔知做乜一間細小空間迫好多人o既環節。或者咁要叫做"好睇"，令到觀眾留下深刻印象。
講到呢d籌歡活動，我就好唔明白果d所謂既總理
照計佢地個腦都唔差，唔係點搵到咁多錢，
但又咁願捐款俾d騎呢環節，好奇怪唷......
「東華」呢個詞語首創?時候我都有份o係msn見證!!
?總理無地方"洗"錢，咪係咩節目嘟"捐"十零個囉!! 年年嘟話要破上年，千幾萬...睇??總理仲有幾多個可以"捐"。^^
因為總理搵咁多錢都要交稅，而捐去東華係可以扣稅，咁變左佢地捐錢等於交稅囉。
發佈留言
<< Home