再會元神
已經幾年沒有光顧灣仔道「元神」的晚市，原本想到轉角位的「元味」，但那裏只有四個座位，最後還是到了「元神」。數年前光顧過「元神」好幾次，由一間舖位做到三間，再由三間變回一間。由於大部份食客近年已改到我懷疑「唔駛錢」的板前壽司，因此「元神」已經不再出現人龍。
 |
| 壽司拼盤和三文魚 (扒) 刺身﹗ |
該舖出名為魚生大件，不論是壽司或是刺身。那晚叫了海鮮拉麵、12件壽司拼盤和盛惠 $68 的三文魚刺身。拉麵沒有甚麼特別，壽司上面的魚生比其他日本料理的還大件，但也是意料中事。最嚇人的卻是那三文魚刺身，比起幾年前我光顧的還大件了三分一﹗雙筷夾起了一塊像牛扒 size 的三文魚更令人手震﹗
最終這還是我首次未能消滅三文魚刺身，雖然味道不錯但對於二人來說份量實在太多，吃到最後卻有點「溜」，一次過吃掉了整個月的三文魚。
posted by 小碧 @ 00:16
5 Comments:
估唔到呢間野都會淪落到唔使排隊。
仲記得初初出黎做野時，每次想去呢間食都要參加"歡樂滿東華"先可以入去食到。如果食身質素仲保持到好似之前咁，咁都可以再去食呀。
食物質素算係咁啦，而且百幾蚊一個人食到飽到唔食﹗至於無人排隊，一來係因為早，一到左八點到要等位先有得食，二來係果陣有熱潮o的人一窩蜂咁去o者，好似之前和民咁，熱完一輪就唔排架啦。
我想問埋單幾$$??
祖，兩個人 total $280，食到咁飽算係咁。
當元神還是一間係天樂里的小小鋪,已經幫襯, 那時的油金魚刺身, 肥美得佢丫!!!
有一次同朋友朝早游水,再去元神食lunch,之後訓一個午覺, 好爽架!!!
但近年,我鍾意精美的壽司多過大的壽司!
oh,壽司, 好想食壽司添!
發佈留言
<< Home