痴線佬來電

今天，有一名痴線佬打上公司。

由於出面所有電話線都在使用中，於是線路飛到了小弟房間，由小弟接聽。

我︰「喂…」
痴線佬︰「唔該搵陳大文丫。(化名，老細的名字)」
我︰「佢講緊電話喎。」
痴線佬︰「我係度等佢丫﹗」
我︰「你邊位搵佢呀﹖不如留低電話，我叫佢一陣覆你丫。」
痴線佬︰「唔駛啦，我等佢丫﹗」
我︰「我唔知佢講幾耐架喎，你邊位呀﹖」
痴線佬︰「陳大文呀﹗我叫陳大文，我而家都係搵陳大文﹗」
我︰「o下﹖(屌﹗玩野呀﹗)」
痴線佬︰「陳大文呀嘛﹗我係佢同學，我又係叫陳大文﹗」
我︰「……(屌你老母﹗痴架﹖)」(Cut 線﹗)

十五秒後，電話再響。

我︰「喂，搵邊位呀﹖」
痴線佬︰「搵陳大文丫﹗」
我︰「佢行開左喎﹗」
痴線佬︰「你老點我呀﹖頭先又話佢講緊電話，而家又話佢行開左﹗」
我︰「喂﹗我幾時有老點你呀﹖頭先叫你留低名同電話你又唔留，家下佢講完電話咪行開左囉，咁點呀﹖」
痴線佬︰「咁你頭先又 cut 我線﹖」
我︰「咁你有咩事搵佢丫﹖你邊間公司搵佢呀﹖佢行開左喎真係﹗」
痴線佬︰「咁我等佢返來囉﹗」
我︰「我唔知佢幾時返來架喎﹗(屌﹗收線啦撚樣﹗)」
痴線佬︰「總之我等到佢返黎啦﹗」
我︰「喂，我唔可以 hold 住個電話咁耐架喎，家下我地公司好繁忙要用電話，唔可以俾你 hold 咁耐，你明唔明﹖」
痴線佬︰「……」

(Cut 線)

我︰「妖﹗痴撚線﹗」

原來這名痴線佬已經不是第一次打上來，但願下次公司大部份同事不在時再由小弟接聽，到時好好招呼呢位朋友﹗

posted by 小碧 @ 00:34