打邊爐
 |
| 大快活的牛肉火鍋。 |
一個人到了大快活打邊爐，今次是我第一次可以吃完所有食物。
其實我本人都頗喜歡吃火鍋，原因是可吃的種類多，而且濕濕地比較易入口，因為我很怕吃乾的食物。多年來打邊爐，如果說貴價的，最滿意的還是尖沙咀的「高山雲海」(現已改名，但質素維持水準﹗)。這是吃飯最閹尖的大哥推介的，基本上他推介得的都一定有中上水準。當然價錢不便宜，有次和阿劉兩個人每人吃了二百多元，不過食物還算值得。
至於最名過於實的莫過於「有骨氣」，我完全不明白為何值得人們排上個多小時。那時看見那個人山人海的門口，我一度以為憑身份證入座可獲免費招待﹗其實有骨氣的食物不錯的，但價錢就太過不合理，一碟菜要接近四十元，最平的公仔麵也要廿五蚊一個﹗劉偉幾乎要上超市用廿五元買一箱回來，就連最豪爽的大哥都吃到「谷鳩氣」。事實上那次埋單只是每人百四元，比起高山雲海還要平，但最重要的是各人吃得雖飽但不滿足。而且服務呢，態度與禮貌還可以，但水準十分業餘。我懷疑他們是不懂甚麼是支竹與腐竹，就連炸支竹與鮮支竹也分不清楚，業餘的程度就等於歐冠杯決賽出董方卓打正算一樣。未看過董方卓踢曼聯﹖咪就係未看過囉﹗除非有中銀卡 $88 任食，否則我都盡量不會再去。
事實上我都去過「齡記」多次，麻辣火鍋是不錯的，不過旺角店比尖沙咀好。但都兩年沒去了，現在還是否維持水準就不得而知。那次與曼網網友到大角咀「靚煲皇」也不錯的，但味道嘛…忘記了…因為還是喝酒為主。
平價打邊爐呢，首先請不要對食物和服務質素有要求。以前有「溝水啤酒」任飲的「福星」，現在則有「花園金閱」，賣點是嘉士伯與生力分別是 $2.8 與 $3.8﹗彌敦道倫敦廣場那間不知甚麼火鍋，那裡的職員應該不太喜歡劉德華，服務好到無人信﹗收碟效率應真快，一件食物都未夾過就已經原碟被拿走，勁﹗上次曼網六週年那間呢，服務水準都差不多。不過那處卻有個優點，就是獅威啤酒任飲，還要一桶桶上﹗你看過有人打邊爐劈到嘔落個煲沒有﹖
說回大快活，美中不足就是你不可以一邊品嚐啤酒一邊打邊爐﹗今天吃完後差點想到七仔買罐百威，不過最終還是沒有了，要少點喝酒嘛﹗
posted by 小碧 @ 00:56
9 Comments:
仆街，一提谷鳩氣就火都黎埋，任食火鍋你限我時我唔介意，你逐樣收我錢都要限時？！食唔晒係打包定係生食呀？
$25一個唔知咩牌子既公仔麵，你D麵好食D o架？！
唔好話要我俾錢呀，請我再貼埋錢俾我都唔會再去。操！
係喎，爭o的唔記得左佢限時添﹗真係唔明，點解我逐碟俾錢都要限時，簡直係痴撚線﹗其實我地上次飽，只不過係飲o的冬瓜湯飲飽﹗
我就係因為一肚氣而飽，如果唔係大哥話要試菜都試唔出呢間野咁仆街。
我返到屋企都有煮麵食，因為一開始已經令我冇晒食野個mood，不過大家一齊出黎食飯，無謂掃興。
唔係之前谷鳩氣搞咩慈善打邊爐喎，我真係想同D人講，限時架，限時食唔晒一係要生食，一係要捐多一倍錢架。
要平食火煱，上深圳小肥羊la。
hondo 哥，我都聽聞深圳小肥羊唔錯，不過本人唔太鐘意上大陸，冇乜特別事都唔好預我上去。
大家下次可以試o下稻香~~
味道~~ 服務同價錢都算ok~~
9 點後入座仲有特價~~
不過啤酒就唔知咩價錢喇...
此留言已被作者移除。
稻香個名好x熟!
我都應該係去過!
打邊爐黎講，我鍾意去d地足否D既食店，好似大角咀既力奇同土瓜灣鴻福都超正!!
發佈留言
<< Home